Дали пациент со КОВИД-19 ќе развие сериозна форма на болеста во голема мера зависи од тоа како неговиот имун систем реагира на коронавирусот. Но, научниците се уште не знаат зошто некои луѓе развиваат потешки симптоми кои подолго траат, додека други поминуваат само со благи симптоми или воопшто ги немаат, односно која е причината за таквите различни реакции. Нова студија на универзитетот Јеил фрла ново светло на оваа тема, пишува стручниот портал The Conversation.
Истражување, кое допрва треба да се рецензира и објави во списание, сугерира дека кај болните со сериозна форма на КОВИД-19 телото произведува “автоантитела“. Тоа се антитела кои наместо да го напаѓаат вирусот кој влегува во организмот, го напаѓаат имуниот систем и органите на самиот пациент.
Истражувачите откриле дека лицата со тешка форма на КОВИД-19 имаат автоантитела кои се врзуваат за клучните протеини кои учествуваат во порепознавањето, алармирањето и чистењето на клетките заразени со новиот коронавирус. Тие протеини вклучуваат цитокини и хемокини, важни гласници на имуниот систем. Тоа ја попречувала нормалната функција на имуниот систем, блокирајќи ја антивирусната одбрана, потенцијално правејќи ја болеста посериозна.
Години наназад, познато е дека автоантителата вклучени во автоимуните болести, како ревматоиден артритис и лупус. Не е познато зошто некои луѓе ги развиваат тие антитела, но веројатно се работи за комбинација на генетиката и околината. Вирусните инфекции исто така се поврзани со појавата на некои автоимуни болести.
Претходно, некои научници информираа дека пациенти без историја на автоимуни болести развиле автоантитела откако се заразиле со КОВИД-19. Подоцни истражувања откриле дека лицата со сериозна форма на КОВИД-19, може да развијат и автоантитела на интерферони, имунолошки протеини кои играат главна улога во борба против вирусните инфекции.
-
Научниците од Јеил кои го спровеле ова најново истражување, користеле нова техника која ги прегледала автоантителата кои делуваат против илјадници телесни протеини. Тие барале автоантитела кај 170 хоспитализирани пациенти и ги споредувале со автоантитела кои биле пронајдени кај лица кои страдале од блага форма на болеста или асимптоматска инфекција, како и кај луѓе кои не биле заразени со вирусот.
Во крвта на хоспитализираните пациенти пронашле автоантитела кои може да ги напаѓаат интерфероните, како и автоантитела кои може да интерферираат со други критични клетки на имуниот систем, како природни клетки убијци и Т-клетки.
Наодите покажале дека автоантителата се многу честа карактеристика кај тешко болните пациенти со КОВИД-19.
Иако пациентите со КОВИД-19 имале многу автоантитела кои ги таргетираат протеините од имуниот систем, истражувачите не пронашле авт-антитела специфични за коронавирус кои би можеле да се користат за разликување на тешко болните пациенти со оваа болест. Она што одредува дали лицето ќе се соочи со посериозна форма на КОВИД-19, зависи од многу нешта, а автоантителата се само дел од приказната.
Но, истражувањето сугерира дека лицата со постоечки автоантитела може да бидат во поголем ризик од посериозна форма на КОВИД-19. Тие лица може д аимаат недостатоци во имуно.лошкиот одговор за време на раната фаза на инфекцијата со коронавирусот или да бидат склони на создавање на нови автоантитела кои би можеле да го попречат нивниот имунолошки одговор на вирусот.
Присуството на автоантитела сугерира дека кај некои пациенти КОВИД-19 може да биде автоимуна болест што ја активирал коронавирусот.
