ТЕШКИ СИМПТОМИ: Долгиот список на последици од КОВИД-19 ги загрижува научниците, а посебно појавата на мозочна магла

Списокот на долготрајни симптоми на КОВИД-19 е долг и разновиден; од замор и забрзана работа на срцето, до замаглено размислување, трајно губење на сетилото за мирис, но и се чини и трајни оштетувања на срцето, белите дробови, бубрезите и мозокот.

Листата на долготрајни симптоми на КОВИД-19 е долга, од замор и болки во мускулите, како и забрзана работа на срцето, до трајни оштетувања на белите дробови, бубрезите, срцето и мозокот.

Веројатноста пациентот да развие трајни симптоми е тешко да се утврди, оти различни студии следат различни исходи во различни времиња. Во Италија откриле дека 87% од хоспитализираните пациенти со последици од КОВИД -19 се соочуваат и два месеци по појавата на симптоми.

Податоци од студија во САД која ги обработила американските, британските и шведските пациенти заболени од оваа зараза, сугерира дека бавно се опоравуваат помеѓу 10 и 15% од заболените, вклучувајќи и некои “благи“ случаеви. Пандемијата трае нешто повеќе од половина година и никој не знае колку таквите симптоми ќе потраат и дали КОВИД-19 ќе поттикне појава на хронични болести.

Од тие причини, во Велика Британија е покрената опсежна студија во која 10.000 пациенти заболени од КОВИД-19 ќе бидат следени најлаку една година, а доколку е потребно истражувањето ќе се продолжи и во наредните 25 години, зависно од резултатите. Истражувачите се надеваат дека подобро ќе ги разберат последиците на инфекцијата, ќе ги откријат ризичните групи и начините на можно лекување.

Познато е дека SARS-CoV-2 го користи т.н. spike протеин на својата површина за да се прилепи за ACE2 рецепторите на белите дробови, срцето, цревата, бубрезите, крвните садови, нервниот систем… Вирусот исто така може да предизвика и драматични воспалителни реакции во мозокот.

“Имаме епидемија на тешки, хронични болести кои го следат КОВИД-193, предупредува Мајкл Маркс, стручњак за заразни болести на Школата за хигиена и тропска медицина во Лондон.

Многу лекари стравуваат дека вирусот би можел трајно да ги оштети белите дробови, бидејќи токму тоа го прават другите два коронавируси, одговорни за САРС и МЕРС. Истражување покажало дека некои пациенти последиците ги чувствуваат и 15 години по инфекцијата со коронавирус. Поради тоа, научниците очекуваат дека и по КОВИД-19 ќе наидат на типични долгорочни оштетувања како намалување на функцијата на белите дробови и намалена способност за физичка активност.

Вирусот го напаѓа срцето на повеќе начини. Директната инвазија може да ги оштети и уништи срцевите клетки. Силното воспаление може да влијае на работата на срцето. Вирусот може да ја пригуши функцијата на ACE2 рецепторите кои помагаат во заштита на клетките на срцето и разгардување на хормонот кој го зголемува крвниот притисок. Стресот од борбата против вирусот може да убрза ослободување на адреналин и епинерфин, што исто така може штетно да влије на срцето.

Неправилна работа на срцето е откриена кај 78% од заболените од КОВИД-19, кои биле прегледани десет недели по разболувањето. Многу учесници во оваа студија претходно биле здрави, наведуваат авторите на истражувањето објавено во JAMA Cardiology.

Многу лекари стравуваат дека вирусот би можел трајно да ги оштети белите дробови, бидејќи токму тоа го прават другите два коронавируси, одговорни за САРС и МЕРС.

Воочени се и низа случаеви како оние на професорката Атен Акрами, кога луѓето и натаму не се чувствуваат добро, без оглед на добрите наоди. Некои невролози тој феномен го опишуваат како “мозочна магла“ или “заматеност на мозокот“.

Најчест и најдолготраен симптом и натаму е заморот, и се почесто се зборува за синдром на хроничен замор. Посебно загрижува големиот број на до неодамна млади, здрави и активни лица кои по инфекцијата чувствуваат долготрајни последици.