Многу е важно да се знае дека во повеќето случаи предизвикувач е веројатно вирус и дека антибиотиците не се од корист при такви инфекции. Воспаленијата придружени со пецкање при голтање, црвенило и суво грло можете да си ги олесните и сами. Да се вратиме на храната која можеби не ви е на ум, но е исклучително важна во случај на инфекција и мора да внимавате да внесувате квалитетна храна која нема да ви предизвикува болка при секое голатање.
“Храната богата со нутриенти е најдобрата помош“, советува д-р Синтија Ли. Ако воопшто можете да го разбудите апетитот, обидете се во мението да внесете што е можно повеќе храна богата со хранливи материи или нутриенти. Се разбира, ако е во прашање вирус, нема многу што можете да направите освен да го почекате да помине и да пиете многу вода. Сега кога тоа е кажано, храната што ја јадете дефинитивно може да го забрза оздравувањето.
- СУПА
Пилешката супа нуди антивоспалителни својства кои ги олеснуваат симптомите на настинка, тврдат научниците. Дополнителни истражувања потврдиле дека аромата, зачините и температурата на супата можат да ги прочистат дишните патишта кои задаваат најмногу проблеми.
Д-р Гејл ван Дипен вели: “Важно е да го зголемите внесот на течности доколку сте настинати. Кога сте болни, вашето тело треба да ги надомести изгубените течности, а топлата супа ќе го направи токму тоа“. Иако науката не може да идентификува кои состојки во супата помагаат во борбата против настинките, веројатно се работи за нивна комбинација.
Повеќето супи содржат намирници кои се полни со хранливи материи – влакна, витамин Ц и антиоксиданти кои го зајакнуваат имунитетот за тој полесно да се бпри против симптомите на настинка.
- МЕД
Медот е главен лек уште од одамна и тоа со многу добра причина. “Модерната наука покажа дека манука медот е многу добар кога ќе не нападнат разни инфекции, бактериски и вирусни, како и кај воспаленија на грлото“, вели д-р Ли. Важно е да не претерувате бидејќи преголемите количини на шеќер може да го ослабат делувањето на имунитетот.
- ЈОГУРТ
Според објавите на научниците во списанието European Journal of Nutrition, дневното консумирање јогурт може да го зајакне имуниот систем бидејќи содржи бактериски култури на Lactobacillus bulgaricus и Streptococcus thermophilus. Покрај тоа, нуди добри количини на калциум, витамини Б и Д и други хранливи материи кои влијаат на имуниот систем. Протеините и здравите масти помагаат и во борбата против вирусите и бактериите. Притоа, ладната и нежна текстура на јогуртот многу полесно ќе ја проголтате доколку ве боли грлото.
- ЃУМБИР
Благодарение на неговите антиинфламаторни својства, ѓумбирот може да помогне при болки во зглобовите и мускулите бидејќи делува како аналгетик. Некои нови студии дури тврдат дека може да ги ублажи симптомите на артритис. Во случај на проблеми со респираторниот систем, алергии, настинки или кашлица, ѓумбирот може да биде корисен за подобрување на проодноста на дишните патишта со ублажување на симптомите преку стимулација на слузницата. Направете чај од ѓумбир за инхалација. Бидејќи има антиинфламаторни својства, одлично е да се комбинира со мед за да се удвои ефектот.
