Ако некогаш сте почувствувале дека зглобовите ви се крути и слабо подвижни, а не сте ја поминале 40 година, или без посебна причина ве стига умор, или се будите со болки во целото тело, а не сте спиеле „незгодно“, мошне веројатно е дека состојбата на телото не одговара со вашите вистински години.
Како да дознаете колку сте всушност стари? Одвојте една минута од вашето време и направете едноставен тест кој ќе ви ја открие вистинската слика на организмот.
Тестот е едноставна физичка вежба, а пред да се фатите за работа малку загрејте се бидејќи во спротивно нема да имате вистинска слика. Застанете во исправена положба со споени нозе и полека виткајте се обидувајќи се со дланките да го дофатите подот. Важно е грбот и нозете да се прави. Во еден момент ќе забележите дека не можете повеќе да се виткате, дека ве боли грбот или ви се тресат колената. Тука запрете и запамтете ја точката до која дојдовте, на која оддалеченост од подот се вашите раце. Исправете се. Оваа точка на одалеченост на рацете од подот ја открива староста на вашето тело.
Имате 20-25 години…
…ако можете дланките да ги положите на подот додека нозете и грбот ви се исправени, а мускулите опуштени.
Имате 25-38 години…
…ако со врвовите на прстите го допирате подот, колената се благо свиткани, а мускулите опуштени.
Имате 38-50 години…
…ако со прстите го допирате горниот дел од стапалата, а колената се благо свиткани, а мускулите напнати. Исклучително ви е непријатно во оваа положба.
Имате 50+ години…
…ако никако не можете да ги допрете стапалата, без да ги свиткате колената. Чувствувате болки во грбот и колковите.
