Тестот кој за 10 минути би можел да ги анализира протеините кои се знак за сепса го развиле научниците – дел од компанијата чиј изум е и домашниот тест за бременост. Секој миг доцнење во лекувањето на сепсата го зголемува ризикот од смрт за седум отсто, така што раната дијагноза е клучна, но со сегашните тестирања потребни се до три дена за да се дојде до резултати.
Новиот тест детекрира сепса од неколку капки крв за неколку минути.
Пронаоѓач е Пол Дејви, кој го напрвил и првиот едноставен домашен тест за бременост во осумдесеттите години.
Додека тестот за бременост ги бара клучните хормони во урината и покажува линии во „прозорчето“ на тестот, новиот трага по протеините во крвта кои укажуваат на сепса.
Шест протеини кои ги произведува имуниот систем да се борат против инфекцијата се идентификувани за време на седумгодишното тестирање на примероци од околу 1000 пациенти.
За овој тест потребен е само еден милилитар крв за да се добие резултат. Примерокот и густината на линијата која ја анализира преносниот читач дава резултати во рок од 10 минути. Во лабораторија овој тест детектирал 80 отсто од случаите на сепса. Тестирањето ќе се обави кај 550 пациенти за да се потврдат прелиминарните резултати. Се очекува овој тест во широка употреба да се најде во 2021 година.
