Дали сте знаеле дека обичното суво грозје кое често го користиме во подготовка на десерти може да предвиди дали вашето дете ќе биде натпросечно интелигентно и како ќе се снајде во училишната клупа? Не станува збор за никаков трик, туку за психолошки тест кој може да го испробате и сами.
Имено, на голем број деца стари околу 20 месеци било спроведено едноставно истражување преку игра, кое вклучува само два елементи: зрно суво грозје и чаша.
Тестирањето трае само една минута, а, како што тврдат научниците, многу е ефикасно за откривање на степенот на концентрација, забележување и способност за учење кај многу мали деца.
Резултатите од ова истражување ќе бидат видливи во предучилишна возраст, односно помеѓу 6 и 8-годишна возраст, кога децата тргнуваат и се прилагодуваат на училиштето. Во овој период од животот децата поминуваат низ големи промени и пред нив се ставени бројни задачи за кои некои од нив се уште не се подготвени.
Со помош на резултатите од тестот, научниците може да предвидат дали детето е подготвено за на училиште, односно дали ќе има потешкотии во учењето и совладувањето на новите предизвици и задачи во понатамошното образование и пубертетот.
ТЕСТ ЗА ИНТЕЛИГЕНЦИЈА СО СУВО ГРОЗЈЕ
- Овој тест е наменет за деца од 20 месеци, чија концентрација е многу послаба од оние на постара возраст.
- Ако сакате резултатите да бидат уште поверодостојни, родителите не треба да го тестираат детето – тоа треба да го направи трето лице, спрема кое детето нема толку изразени чувства.
- Седнете го детето на столче, а пред него ставете зрно суво грозје, кое ќе го поклопите со чаша.
- Лицето треба да му објасни на детето дека смее да го земе или изеде зрнцето суво грозје дури кога ќе му биде дозволено, и потоа да се оддалечи од масата.
- Детето кое ќе издржи една минута, а да не го прекрши правилото, се смета дека е натпросечно интелигентно дете.
