Можноста да одржите рамнотежа на една нога, може дза повозрасните лица да им открие колку ќе живеат, се наведува до резултатите од ново истражување.
За лицата постари од 50 години неможноста да стојат на една нога може да значи и поголем ризик од смрт од било која причина во идните 10 години, открила студијата објавена минатата недела во списанието British Journal of Sports Medicine. Истражувањето открива дека би било корисно да се проба овој тест на рамнотежа од 10 секунди, но и да се воведе како рутина во прегледите кај лекар, специфичен за таа возрасна група.
“Често сме во ситуација да мораме да побараме поддршка во само едната нога, како на пример кога излегуваме од автомобилот или одиме по скали…“, истакнува авторот на студијата, проф. Соарес Араухо, доктор од Бразил. Ако не можеме да го направиме тоа, доаѓа до губење на самостојноста, а ако не сме физички активни, состојбата само ќе се влошува.
ПОДОБРАТА РАМНОТЕЖА Е ПОВРЗАНА СО ДОЛГОВЕЧНОСТА
Како што старееме, сите проблеми што ги имаме се влошуваат, а истото важи и за рамнотежата. д-р. Араухо наведува дека е неопходно да се биде активен бидејќи токму седечкиот начин на живот е поврзан со бројни здравствени проблеми.
За потребите на студијата, од испитаниците, на возраст меѓу 51 и 72 години, меѓу другото било побарано да направат краток тест при што требале да стојат 10 секунди на едната нога, боси. Се покажало дека 20,4 отсто од испитаниците не можеле да го завршат тестот, а во следните 10 години, 17 проценти од нив и починале. Смрт настапила кај само 4 проценти од испитаниците кои го завршиле тестот за рамнотежа. Секако дека научниците не успеале да утврдат дали смртта настапила и како последица на неуспешниот тест за рамнотежа, а причината за смртта не се разликувала во голема мера во двете групи, па затоа и КОВИД, белодробни заболувања и кардиоваскуларни заболувања се наведуваат како причина. Сепак, научниците сметат дека овој тест може објективно да му открие корисни информации на лекарот.
КАКО ДА ЈА ПОДОБРИТЕ РАМНОТЕЖАТА?
Пред се, имајте на ум дека проблемите со рамнотежата може да доведат до пад, а така и до скршеници, па токму оваа вештина е од голема корист подоцна во животот. Обидете се неколку минути во денот да правите некои едноставни вежби за рамнотежа, а еве што советуваат лекарите:
- Стојте на една нога додека миете заби, 10 секунди на левата, па 10 секунди на десната. Оваа вежба треба да ја правите боси, а ако ви е многу тешка, правете пауза од 10 секунди пред да застанете да другата нога.
- Фатете се за рачката од врата и една минута стојте на една нога, така што секои 10 секунди да ги менувате нозете.
Ако и понатаму се борите со рамнотежата, размислете за тоа да посетите лекар бидејќи физиотерапијата би можела да ви помогне да ги зајакнтете мускулите во нозете за да може полесно да држите рамнотежа.
