Во едно неодамнешно клиничко испитување предводено од истражувачи од Институтот за глобално здравје Џорџ (САД) била тестирана ефикасноста и безбедноста на користење на иновативни лекови за третман на висок крвен притисок или хипертензија.
Овој лек наречен „тројна таблета” од страна на истражувачите, претставува комбинација на ниски дози на три постоечки лекови за крвен притисок. Станува збор за препаратите: телмисартан (20 милиграми), амлодипин (2,5 милиграми) и хлорталидон (12,5 милиграми).
Според податоците на Светската здравствена организација (СЗО), од 2008 година околу 40 % од лицата на возраст над 25 години имаат зголемување на крвниот притисок ширум светот. СЗО, исто така, проценува дека хипертензијата е одговорна за 7,5 милиони смртни случаи во целиот свет. Ова е поради тоа што оваа состојба е главен ризик фактор и за срцеви заболувања и за мозочен удар, што го прави приоритетен за обезбедување на ефективни третмани за регулирање на крвниот притисок.
Вообичаено лицата со хипертензија започнуваат да земаат еден лек за крвен притисок во ниски дози, и за кратко време повторно се враќаат кај лекарот за да добијат препарат со поголема доза и нови хипертензивни лекови.
Според коавторот на студијата д-р Рут Вебстер, „Пациентите се враќаат кај лекарот во чести интервали за да видат дали ги исполнуваат нивните цели и потребни се повеќе посети за да се прилагодат нивните третмани и дозирање.”
„Проблемот со овој пристап е дека не е само времето неефикасно, туку е и скапо. Исто така, знаеме дека многу лекари и пациенти сметаат дека е премногу комплицирано и често не се држат до тој процес”, објаснува д-р Вебстер.
Преку оваа нова тројна таблета, според лидерот на истражувачкиот тим ќе се тестира метод кој ќе биде поефикасен, нема да има дополнителни несакани ефекти и ќе елиминира некои непријатности поврзани со традиционалниот третман.
