Тестови на хрчаци покажале дека користењето заштитни маски значајно го намалува ширењето на коронавирусот, објавија вчера научници од Универзитетот во Хонг Конг.
Станува збор за едно од првите истражувања кое проучувало дали носењето маска може да ги спречи носителите на коронавирус – било да имаат или да немаат симптоми – да заразат други лица.
Под водство на професорот Јен Квок-јунга, признат стручњак за коронавирус, научниците ставиле кафези со претходно заразени хрчаци близу кафези на здрави глодари. Хируршките маски биле ставени помеѓу двата кафеза со проток на воздух од заразените животни кон здравите.
Резултатите покажале дека преносот на вирусот бил намален за повеќе од 60 проценти, кога меѓу кафезите биле поставени маски. Две третини од здравите хрчаци се заразиле за една недела, кога маските биле тргнати.
Стапката на зараза паднала на малку повеќе од 15% кога маските биле ставени на кафезот на заразените животни, и на 35% кога се ставени на кафезот на здравите животни.
“Од ова истражување јасно покажува дека е најважно заразените лица да носат маски“, изјавил проф. Квок-јунга.
