Енергетската и нутритивната вредност на свежите тиквици е многу голема. Освен манган, магнезиум фосфор, бакар, железо, цинк и калциум, тиквиците се и одличен извор на витамин Ц, витамини од Б групата, тиамин, рибофлавин, ниацин, пантотенска киселина, фолна киселина, пиродоксин, како и витамин К. Тука се и диеталните влакна, лутеинот, зеаксантинот и бета каротенот.
Тиквици против холестерол и за заштита на срцето
Хранливите материи кои се присутни во тиквицата се одлични за срцето. Магнезиумот може да спречи срцев и мозочен удар. Со калиумот го нормализираат крвниот притисок. Овие два елементи го штитат кардиоваскуларниот систем од атеросклероза. Диеталните влакна помагаат во намалување на холестеролот.
За правилна работа на цревата
Нутриентите кои ги содржи тиквицата делуваат на здравјето на системот за варење. Високиот внес на прехранбени влакна ја поттикнува работата на цревата, а со самото тоа и ги отстранува токсините од организмот, додека фолната киселина, витаминот Ц и бета каротенот ги штитат клетките во цревата од соединенија кои се потенцијално канцерогени. Имаат и противвоспалително дејство па штитат од воспалителни процеси, како што се астма, остероартритис и ревматоиден артритис.
За здрава кожа
Ако имате проблематична кожа со митисери, акни и мозолки, маслото од семките од тиквицата ќе ви помогне да ја смирите. Тиквиците го успоруваат стареењето, ја отстрануваат нервозата и го подобруваат сонот.
Маслото добиено од семките од тиквица содржи многу витамини и менерали, повеќе од 60% незаситени масни киселини, а е богато и со омега 3 и 6 есенцијални масни киселини, кои се заслужни за мазна кожа, енергија на организмот, за здравјето на репродуктивните органи и подобра функција на мозокот. Маслото исто така лекува и рани, изгореници и испукана кожа.
СОВЕТ – Искористете го природното својство на овој зеленчук за мека и убава кожа. Исечете тиквица на тенки кругови и ставете ги на лицето. Оставете да делуваат 20 минути за вашите пори да ги апсорбираат минералите. Измијте го лицето со млака вода. Користете го овој рецепт кога ви е потребен освежителен третман за тенот.
