Tимијанот е билка, чија лековитост е позната од дамнина. Исклучително е моќна во подобрување на целокупната здравствена состојба и нуди многу здравствени придобивки. Богата е со калциум, железо и калиум и делува како антиоксидант.
Лековитите својства на тимијанот често се користат во производите за третирање на мултиплекс склероза, лупус, ревматоиден артритис и фибромијалгија.
Оваа корисна билка го регулира крвниот притисок, ја лекува кашлицата и бронхитисот, помага во создавање на црвени крвни зрнца, го лекува хроничниот замор, астма, воспаление на грлото, ларингитис, помага во борба против вртоглавица…
Чај од тимијан
- Потребни состојки:
една рака тимијан
шолја вода
мед (по желба)
- Подготовка:
Измијте го тимијанот и ставете го во сад. Зовријте ја водата, па прелијте ја врз тимијанот. Оставете да стои неколку минути, па потоа процедете. Додадете мед по желба.
Се препорачува да се пие секој ден.
Која е разликата помеѓу тимијан и мајчина душица?
Двете растенија се од родот Thymus, тимијанот – Thymus vulgaris, а мајчина душица – Thymus serpyllum. Разликата е во тоа што тимијанот расте право, а мајчината душица ползи. Освен тоа, тимијанот цвета со бели или светло розови ливчиња, а мајчина душица има цветчиња во потемни розови нијанси. Нивниот мирис е многу сличен, а што се однесува до вкусот, мајчина душица има малку погорчлив вкус.
