Малку што може да фрустира како постојаното чувство дека морате да уринирате, а не можете. Тоа се случува во текот на инфекции на уринарниот тракт, проследени со печење при мокрење, чувство на притисок во долниот дел на стомакот, болки во стомакот и долниот дел на грбот, непријатен мирис на урината, можна појава на крв во урината, замор, а некогаш и зголемена телесна температура. Ако не се лекува исправно, уринарната инфекција може да се развие во многу сериозна состојба. Освен тоа, симптомите на уринарните инфекции може да бидат тивки, неспецифични, поради што се уште поопасни.
Уринарните инфекции може да го зафат мочоводот, мочниот меур, бубрезите. Во повеќето слуачи се јавуваат во долниот уринарен тракт. Ги предизвикуваат бактерии кои влегуваат во уретрата, главно од анусот. Можно е уринарните инфекции да се развијат и без препознатливите симптоми, како што се печење при мокрење, особено кај жените во повозрасни години.
Според експертите, “некои стручњаци сметаат дека причината е што вообичаените симптоми на уринарните инфекции настануваа поради отпор на имуниот систем на инфекции, а кај повозрасните лица одбранбениот систем често е ослабен“.
Но, теоретски, асимптоматските уринарни инфекции може да го погодат секое имунокопромитирано лице.
Тие неспецифични симптоми се:
- Конфузност
- Замор
- Мачнина
- Повраќање
- Вознемиреност
- Губење на апетитот
Тие може да се јават и кај други бројни болести, па ретко се помислува дека може да ги предизвика токму уринарна инфекција, особено ако недостасуваат типични симптоми. Кај ваквите тивки, уринарни инфекции најголема е опасноста таа да остане нелекувана, па може да се прошири и до бубрезите, а оттаму и во крвотокот, што потенцијално е фатално. Затоа е добро, ако се имаат овие симптоми, а тестовите ги исклучуваат сите други состојби кои со нив се поврзуваат, од лекарот побарајте и проверете евентуална присутност на уринарни инфекции.
