Преку зимата многумина се одлучуваат алиштата да ги сушат на парно. Брзото решение често е и погрешно, а со себе носи и низа здравствени ризици. Испарувањето на детергентот и омекнувачот, до кое доаѓа кога се сушат алишта на парно, предизвикува зголемен ризик од појава на алергени, а со самото тоа и појава на алергии.
Покрај парното секогаш треба да има сад со вода, во спротивно воздухот толку се суши и тоа негативно влијае на слузницата на дишните органи. Слузницата станува толку сува, што привлекува различни алергени и причинители на разни инфекции.
За поврзаноста меѓу неквалитетниот водузх, сушењето на алишта на парно и иритацијата на органите за дишење, укажало и истражување направено на Архитектонскиот факултет во Шкотска. Тоа покажало дека сушењето гардероба во домови го зголемува степенот на влага за 30% и дека со себе повлекува зголемен ризик од астма и алергии, на кои особено се изложени најмладите.
И покрај предупредувањата на стручњаците, од оваа метода на сушење не се откажале дури 87% од домовите во Глазгов, каде е правена студијата. Податоците се дека три четвртини од испитаните домови имаат влага, грини и зголемена концентрација на мувла.
Симптомите на инфекција се бројни – кашлање, хроничен замор, иритација на очите, грлото и кожата, главоболки или мачнина.
