Повеќето бремености се резултат на сексуален однос кој се случил три дена пред, на денот на овулацијата или ден по неа. Сперматозоидите во телото може да преживеат три до пет дена, а јајце клетките до 24 часа, затоа плодните денови траат и до седум дена.
Плодни денови
Постои начин како да ги пресметате своите плодни денови
Ако сметате од првиот ден од менструалниот циклус, под претпоставка дека имате редовен циклус на 28 дена, плодни денови се 11, 12, 13, 14, 15, 16. и 17. ден, со тоа што 13, 14. и 15. се најплодни.
Се случува, по употреба на хормонална контрацепција, некои жени да изгубат циклус на пократок период, но тоа се ретки случаи и најчесто се регулира без никакви проблеми.
Ако жената има уредни менструални циклуси, со траење од 26 до 34 дена, тогаш плодните денови може да се пресметаат вака:
Од најкраткиот циклус се одзема 18 за да се добие првиот плоден ден од циклусот. Од најдолгиот запазен циклус се одзема 11, за да се добие последниот ден од циклусот. Во правилен 28-дневен циклус, плодни денови се од 10. до 17 ден.
- 28-18=10. ден (почеток на плодните денови)
- 28-11=17. ден (крај на плодните денови)
Друг пример: жената има циклуси од 28 до 32 ден. Значи 28-18=10; 32-11=21, па плодни денови теоретски траат од 10. до 21. ден.
Дали може да се забремени за време на циклусот?
Бидејќи сперматозоидите преживуваат и до пет дена, а овулацијата може да биде поместена четири до пет дена порано, може да се случи да останете бремени за време на циклусот.
