Иако многумина бременоста ја поврзуваат со насреќниот и најопуштен период од животот на жената, многумина забораваат да обрнат внимание на стравот кој трудницата го проживува и кој често им пречи во извршувањето на секојдневните активности.
Токофобија или неконтролиран, често и парализирачки страв од породување, но и од бременост, е чувство од кое никој не мора да биде поштеден. Имено, некои жени може да уживаат во целата бременост која ќе помине без компликации, но дури пред породувањето ќе им се јави споменатиот страв.
ТОКОФОБИЈАТА НЕ Е РЕТКА ПОЈАВА
Стравот од породување и бременост често се интензивира во време кога жената се повеќе размислува за зачнување. Имено, речиси седум проценти од жените се борат со овој вид на патолошки страв. Токофобијата може да се појави во различни животни периоди: пред бременоста, за време на бременоста, па дури и по породувањето. Според тоа, токофобијата се дели на примарна и секундарна.
Примарната токофобија обично започнува во адолесценцијата и се развива по слушањето на некои трауматски приказни за породување или по гледање на снимки од породување.
Секундарната токофобија се разива по породувањето кое за жената било трауматично. Токофобијата може да биде и еден од симптомите за депресија. Стравот од породување обично е поврзан со стравот од болка, но може да има и некои други асоцијации кои преку психотерапија вреди да се истражат. Стравот од породување може да се излечи, нагласуваат психолозите.
СИМПТОМИ КОИ МОЖЕ ДА СЕ ПОЈАВАТ СЕ:
- Рапидно зголемување на анксиозноста и депресијата во текот на бременоста;
- Претходен прекин на навидум здрава бременост;
- Чувство дека породување ќе резултира со смрт, пометнување или деформитет кај детето;
- Силна желба за деца иако жената не сака да забремени.
Последиците до кои може да доведе ваквиот страв е преземањето на разни мерки кои евентуално ќе го спречат зачнувањето. Се јавува одбојност кон сексот, губење на сексуалниот интерес, конфликт во врската, па дури и прекунување на врската. Жените кои патат од тофобија можат да влезат во крајности со прекумерна злоупотреба на алкохол или наркотични средства.
Се смета дека разговор со стручно лице за надминување на стравот, како лек за токофобија е најдобриот третман.
