Стомачните се први на листата желби на секоја фитнес обожавателка. Со оглед на тоа дека стомакот е место на кое најтешко се губи маснотија и се добива дефиниција, всушност целосно има смисла дека токму стомачните се главниот показател за добра форма. Најдобро што може да се направи, ако имате полни раце работа и немате ни еден час време за тренинг во теретана, е токму вежбање меѓу четири ѕида, своите се разбира. Од каде да се почне? Од планк? Трчање? Класични стомачни? Како што се чини ништо од наведеното не е точен одговор…
Најдобро од се, всушност, е тоа дека овие вежби може да се изведуваат в кревет. Знаеме дека звучи неверојатно, но сериозни сме!
Странично подигање на нозете
Легнете на страна, главата потпрете ја на едната рака, а со другата благо придржувајте се на подлогата. Нозете држете ги рамни, а стапалата благо затегнете ги така прстите да бидат завртени кон главата, а петата кон „надвор“. Без движење на кој било друг дел од телото, подигнете ги нозете до некои 40 степени од подлогата, па вратете се во почетната положба. Повторете го ова 10 пати за почеток, а подоцна зголемете го бројот на повторувања.
Латерална флексија
Латералната флексија е виткање на страна. Легнете на колк и во исто време кревајте ги и телото и нозете во воздух. Концентрирајте се на тоа вежбата да ја изведувате од половината, односно да го подигате и телото токму со страничните мускули на стомакот. Ако вежбата ви е прелесна, задржете се неколку секунди во воздух пред спуштањето. Повторете ја вежбата 10 пати, а со текот на времето слободно зголемете го бројот на повторувања.
Кружења со нозете во воздухот
Легнете на грб и кренете ги нозете околу 30 степени од подот. Полека кружно вртете ги на едната, па на другата страна. Повторете на секоја страна по 10 пати.
