Семето од оваа билка содржи високо количество на есенцијални масни киселини неопходни за здравјето на срцето и кардиоваскуларниот систем, но и за нервниот и воопшто за одбранбениот систем на организмот. Стручњаците препорачуваат една лажица ленено семе дневно. Можете да го додадете во вашата зобна каша, салата, чорба, вода, смути…
Еве зошто треба да го јадете:
Добро е за мозокот
Богато е со омега-3 масни киселини, што е мошне важно за веганите или поединците кои не јадат морски плодови. Го поттикнуваат развојот на невроните и го регулираат функционирањето на мозокот. За севкупното здравје на мозокот доволни се една до две лажици ленено семе дневно.
За подобро варење
Лененото семе е одличен извор на диетални влакна, што значи дека варењето ќе биде подобрено, подобро ќе се испираат токсините и вишокот масти од телото. Исто така, можат да решат многу дигестивни тегоби како запек и нередовна столица.
Ќе ве држи сити
Ова семе е добар извор на протеини и ќе ви помогне да останете сити. Подолгото чувство на ситост значи помал внес на калории, што може да го поттикне слабеењето.
Го штити срцето и го намалува холестеролот
Студија објавена во магазинот Hypertension открила дека линолната киселина – главна компонента на лененото семе, е поврзана со нискиот стистолен притисок, како и со намалениот ризик од хипертензија.
Помага во процесот на слабеење
Благодарение на содржината на влакна, помага во одржувањето на нивоата на шеќер во крвта, ја намалува гладта и помага во слабеењето.
Штити од рак
Неколку истражувања сугерираат дека лененото семе е исклучително корисно во борбата против рак на дојката, простата, јајниците и дебелото црево. Содржи лигнани за кои се смета дека имаат својство за превенција од карцином. Можат да помогнат во заштитата од рак и тоа затоа што ги блокираат ензимите кои се вклучени во метаболизмот на хормоните и го спречуваат растот на туморозните клетки.
