Палминг методот може да ви помогне да го ублажите заморот на очите. Седнете удобно крај трпезариската маса или работното биро и силно протријте ги дланките една од друга, тријте ги неколку секунди додека не се загреат, односно додека не почувствувате топлина. На масата ставете неколку перници на кои ќе ги потпрете лактите и надлактиците и потоа покријте ги отворените очи со дланките, но не ги допирајте. Прстите од рацете би требало да бидат потполно споени за очите да бидат во потполна темнина.
Топлината на дланките и отсуството на светлина во време траење од 5 до 10 минути ќе ви помогне да ги одморите очите во текот на денот. Истиот метод можете да го практикувате и во лежечка положба, но во тој случај нема да можете да ги потпрете рацете на перница, што, пак, може да биде незгодно ако сакате подолг временски период да ги одморате очите на овој начин.
Симптоми кои се јавуваат при замор на очите
Екраните од мобилните телефони, таблетите, компјутерите, лошото осветлување… сето ова може да предизвика замор на очите. Проблем кој се манифестира со симптоми како што се сувост и иритираност на очите, заматен вид, потешкотии во фокусирањето на одреден предмет, болки во главата и вратот.
Добро е да знаете дека може да имате само некој од овие симптоми, но можно е и сите да се присутни. Важно е навреме да се препознае проблемот.
Во продолжение следува видео со инструкции како да ги одморите очите:
