Топлoтo чоколадo или „пијалакот на боговите“, како што го нарекувале Ацтеките, не залудно добило таков епитет. Освен што го подигнува расположението, топлото чоколадо е од голема корист за нашето здравје, бидејќи содржи минерали и антиоксиданти кои му се и тоа како потребни на нашиот организам.
Топлото чоколадо содржи повеќе антиоксиданти од „обичното“, а причината за тоа е што истите се ослободуваат во поголем број на висока температура.
Љубителите на слатките задоволства тешко може да одолеат на шолја неодолив вкус, во кој е стопено едно од најслатките десерти – чоколадото.
Чоколадото е посебно ценето илјадници години наназад и нему му се припишуваат афродизијачки и лековити својства. Според легендата на Ацтеките, топлото чоколадо се сметало за пијалак на боговите, а, исто така, се користело и за различни ритуали.
Топлото чоколадо помага во борбата против стресот, анксиозноста и депресијата
За посебно уживање во придобивките од овој пијалак, се препорачува да изберете потемна чоколада, која е нутритивно побогата, а содржи и помала количина на шеќер. Еве три причини зошто е добро да пиете топло чоколадо.
- Содржи минерали
Топлото чоколадо содржи калиум и калциум, кои се исклучително корисни за здравјето на коските.
Минералот калиум има позитивен ефект врз работата на нервниот систем, а истовремено го контролира ослободувањето на калциум преку урината и потта и со тоа ја одржува неговата рамнотежа. Затоа е потребно и двата минерала да се внесуваат во организмот бидејќи не функционираат еден без друг.
Покрај калиумот и калциумот, овој вкусен пијалак содржи магнезиум и железо кои му се потребни на нашиот организам за да има доволно сила и енергија. Магнезиумот во чоколадото помага да се надмине стресот и да се нормализира емотивната состојба.
- Богато е со антиоксиданти
За разлика од обичното, топлото чоколадо содржи повеќе антиоксиданти, а причината е дека повеќето од нив се ослободуваат при висока температура. Топлиот пијалак се одликува и со висока содржина на корисни флавоноиди кои го штитат срцето од кардиоваскуларни болести, го намалуваат нивото на холестерол во крвта и го регулираат високот крвен притисок.
- Хормон на среќата
Топлото чоколадо помага во борбата против стресот, анксиозноста и депресијата и е вистински подобрувач на лошото расположение.
Многумина ќе се согласат дека по испиена шолја топло чоколадо нивното расположение станува многу подобро, а причина за тоа се аминокиселините триптофан и фенилетиламин, кои се наоѓаат во вкусниот пијалак и благодарение на кои во нашиот организам се произведува хормонот ендорфин, кој е наречен и „хормон на среќата“.
