Решението на проблемот, односно методот на д-р Пејнтер се состои во секојдневно консумирање пченични трици во мали количества, три пати на ден. После 7 до 14 дена редовно консумирање повеќето луѓе во целост ќе ја вратат редовната (1 до 2 пати на ден) и мека столица.
Низ експерименти е утврдено дека различно количество трици им помага на луѓето со овој проблем. Заради тоа препораката е да се почне со две големи лажици трици, три пати на ден. После 7 до 14 дена доколку ова количество не делува, зголемете на три лажици, односно задржете го истото количество ако резултатот е добар.
Триците е тешко да се консумираат сами затоа што се суви, па можете да ги ставите во млеко, супа, јогурт, вода, да се додадат во некое јадење или на некој друг начин според вкус. Единствено е важно редовно и секој ден да внесувате по 2-3 супени лажици пченични трици. Треба да бидат непреработени, а резултатите кај пациентите кои редовно ги користат досега биле позитивни.
Тврдата и нередовна столица во поголемиот дел е предизвикана со храна во која недостасуваат влакна. Доктор Пејнтер истакнува дека не постои одредена доза за секого, како и дека е потребно секој пациент да си ја најде соодветната мерка експериментирајќи во распон од 1 до 4 супени лажици три пати на ден. Потребно е секои 7 дена да се менува количеството додека секој за себе не ја најде и постигне мерката која ќе му овозможи 1-2 меки столици на ден, колку што се смета за нормално. После регулирањето на проблемот пациентите продолжуваат да користат трици во исхраната по потреба.
