Седумдесетгодишниот Илија Петровски од Битола е уште еден пример кој после лекувањето во клиниката „Жан Митрев“, успешно се избори со прекумерната тежина. По поминати само три недели во „Жан Митрев клиника“ Петровски веќе може самиот да се движи и да го продолжи животот без ризик од многу други болести предизвикани од дебелината.
- „Тој беше хоспитализиран во сериозна здравствена состојба со прекумерна тежина и огромни тешкотии во дишењето. Со соодветни третмани, комбиниран медицински пристап и диететски режим, изгуби повеќе од 20 килограми. Се чувствува многу подобро и ја напушти клиниката со ветување дека строго ќе се придржува на дадените препораки“, објаснуваат од клиниката.
„Дојдов на лекување во Жан Митрев Клиника затоа што имав големи проблеми, мака со дишењето, ставив многу кила. Дојдов со 147 килограми, а сега, за три недели тежината е намалена на 127, а тоа е среќа. Сега дишењето ми е во ред и се чувствувам одлично“, вели Петровски.
Сведоштвото за трансформацијата на 70-годишниот пациент од Битола кој се избори со оваа болест на денешницата може да го погледнете во видеото погоре.
