Зборувајќи по повод 40-годишнината од својот револуционерен хируршки зафат, сер Теренс Инглиш рекол дека неговиот некогашен штитеник и помошник од 1979 година кон крајот на оваа година ќе се обиде замени бубрег на човек со бубрег на свиња.
Стручњаците веруваат дека тоа би можело да ги постави темелите за подоцнежни комплицирани трансплантации на животински органи во човечки организам, што претставува процес кој се нарекува – ксенотрансплантација.
„Ако резултатот од ксенотрансплантацијата на бубрег од прасе кај човек биде задоволувачки, голема е веројатноста за неколку години истото да можеме да го постигнеме и со срцата“, рекол 87-годишниот Инглиш за Сандеј телеграф и уште објаснил: „Ако „функционира“ со бубрег, ќе „функционира“ и со срце… Ова се ќе смени кога станува збор за трансплантацијата.
Срцето од свиња има мошне слична анатомија како срцето на човек заради тоа и се користи и како модел за развивање нови третмани. Срцевите болести денес се сметаат за глобален проблем кој прераснува во пандемија, која погодува најмалку 26 милиони луѓе ширум светот, пренесува Сандеј телеграф.
Научниците се надеваат дека употребата на срца од свиња би можела да придонесе за создавање револуционерен метод со чија помош човештвото ќе се избори со кардиолошките заболувања.
