Самоубиствените намери и идеи се чести меѓу зависниците, особено оние кои преживеале лоши искуства и малтретирање во детството. Истражувањето направено меѓу 800 зависници во Норвешка го оценувало релативното значење на различните негативни искуства или идеи за самоубиство. Податоците биле собирани од психотерапевти, кои лекувале пациенти кои се обиделе или имале идеја за самоубиство.
Повеќе од третина (38%) од испитаниците имале обид за самоубиство еднаш или повеќе пати. Оваа пропорција е повисока кај оние со негативни искуства во детството. Поголем број на овие искуства – поголема зачестеност на обидите. Искуствата опфаќаат сексуални или насилнички напади, алкохолизам на родителите, психијатриски проблеми на родителите, проблеми за прилагодување во училиште, сопствени психијатриски проблеми.
Забележани се релативно мали разлики меѓу половите кај самоубијците. Бројот на жени кои немале лошо искуство во детството или имале многу малку – бил незначително поголем во однос на мажите.
