Пакуваниот ориз може да содржи ситни нечистотии кои би требало да се отстранат пред готвењето. Нашите мајки и баби затоа внимателно ги требеле зрната пред подготовката, но и го миеле оризот.
Заговорниците на миењето ориз пред готвењето го прават тоа бидејќи сакаат да ја отстранат нечистотијата од површината, но и затоа што не сакаат јадењето да им биде лепливо. Од друга страна, оние кои не го мијат оризот пред подготовка, тврдат дека водата освен што го мие валканиот ориз, го мие и неговиот вкус.
Не го мијте оризот
Познатите готвачи тврдат дека оризот не смее да се мие ако планирате да правите рижото, бидејќи ќе се измие скробот кој му дава кремаст вкус на јадењето.
Мијте го оризот
Оризот е препорачливо да се мие кога го купувате рефус или ако забележите дека е многу бел. Во производството зрната некогаш се мешаат со мелено оризово брашно, глукоза или слични додатоци за прозводот да биде побел.
Имајте на ум дека е доволно оризот да го измиете еднаш или два пати пред готвењето. Водата во која се вари оризот никогаш нема да биде целосно чиста.
