Резултатите од научните истражувања го поврзуваат честото консумирање на јаткасти плодови со намалена појава на некои хронични заболувања. Со оглед на тоа што овие плодови се богати со енергија и масти, за нив се врзува и одреден ризик од дебелеење. Меѓутоа, нивното редовно присуство во исхраната не мора да значи зголемување на телесната тежина. Напротив – се покажа дека долгорочната исхрана во која се вклучени и јаткастите плодови е поврзана со намалување на ризикот од прекумерна телесна тежина.
Јаткастите плодови го зголемуваат чувството на ситост
Освен тоа, луѓето кои јадат јаткасти плодови два или повеќе пати неделно се послаби од оние кои ги јадат еднаш или поретко. Јаткастите плодови го зголемуваат чувството на ситост, за што се заслужни влакната и протеините. Исто така, придонесуваат и за чувствителност на клетките на инсулин.
