Срцето е исклучително ефикасен орган кој пумпа точно толкава количина на крв колку што му е потребно на телото – ни помалку ни повеќе. Спротивното би претставувало трошење енергија, вели д-р Карл Стангл, шеф на кардиолошкиот оддел на болницата во Берлин.
Но, кога ќе се почувствува страв, почнува еволуцискиот одговор. Автономниот нервен систем, кој ги контролира автоматските телесни функции, тогаш ја активира реакцијата „бори се или бегај“ и на телото му овозможува наплив на енергија за соочување со препоставената опасност. Надбубрежните жлезди во тој момент во крвотокот отпуштаат адреналин. Срцето поради тоа чука побрзо и пумпа повеќе крв во органите и во мускулите. Со други зборови, срцето брза, а тоа не може да се контролира.
„Автономниот нервен систем не се нарекува автономен без причина“, вели д-р Стангл. Тој нагласува дека нема ништо лошо во тоа срцето одвреме-навреме да пумпа повеќе крв.
„Здравиот организам тоа некое време го поднесува без проблеми“, додава тој. Но, доколку срцето одненадеж се забрза без некоја очигледна причина, тогаш советот е лекарска помош.
Таквата аритмија, вели шефот во берлинската болница треба да се докуменетира и да се лекува и, секако, да се најде причината за тоа.
Во ретки слуачи, напоменува тој, палпитацијата (срцебиење) може да биде и симптом за сериозна болест на срцето.
