Како што постојат трендови во модата, козметиката, така постојат и трендови и во светот на храната и тие и тоа како се застапени и можете да бидете сигурни дека и тука се „вртат“ големи суми, дури и можеби многу поголеми од оние во претходно споменатите индустрии. Но, за разлика од трендовите во светот на убавината и модата, кои со текот на времето умеат да бидат и поприлично откачени, трендовите во кулинарскиот свет од година во година се се подобри и тоа по нашето здравје. И не само за здравјето, туку и по целиот организам, изгледот, линијата. Следува листата на најбараните намирници, некои од нив се навистина интересни.
Цвеќе кое се јаде
Овој вид цветчиња станаа обавезна гарнитура во сите модерни ресторани кои се украсени со по неколку ѕвездички. Меѓутоа наскоро овој декор со ефектни бои, а кој може да се јаде ќе стане „must have“ и во рестораните и кафулињата во кои одиме секојдневно.
Супер – прав
Со оглед на тоа дека станува збор за намирници (поточно билки) кои во своето име поседуваа префикс „супер“ како што се мача семките, куркумата, какаото…, јасно е зошто нивната мелена форма, исто така, се претставува со овој примамлив префикс. Притоа во чинија или во чаша изгледа одлично, а за придобивките врз организмот и да не зборуваме.
Црна магија – Чага печурки
Можеби во прв момент несфатлив назив за опис на печурки, но станува крајно логичен кога ќе се објасни нивната намена. Имено, станува збор за медицински печурки чиј прав се користи како составен дел на суплементите, како заради минералите и протеините кои ги поседуваат така и заради низата здравствени придобивки. Заради предностите кои ги поседуваат (но и заради неочекувано добриот вкус) очекувајте дека ќе се појават и во сосовите за паста, како и во додатоците зачини за кафе.
Алтернативни опции за месо
Годинава алтернативните намирници од растително потекло кои се алтернатива за месните производи, конечно ќе станат значително подостапни, а со самото тоа ќе се најдат на менијата на голем број ресторани. Веганскиот рај официјално стартува сега!
Такос
Заради разновидниот зеленчук кој се користи во приготвувањето на такосите, како и заради самиот состав на оваа пченкарна тортиља, ова мексиканско јадење ќе биде во фокусот како ниту една „брза храна” досега.
