Мигрената е трета најчеста болест во светот од која страдаат повеќе од една милијарда луѓе. Според некои достапни податоци се верува дека од мигрена боледува секое десетто лице во земјава, но болеста многу често е недијагностицирана, па не се лекува или несоодветно се третира.
Правилна исхрана и мигрена
Правилната исхрана е клучен фактор за спречување на зачестената појава на тригерите за напади на мигрена, но на лицата кои страдаат од мигрена понекогаш им е тешко да најдат комбинација на намирници кои ќе им помогнат да создадат идеално мени приспособено да се задоволат нутритивните потреби.
“Пациентите со мигрена имаат докажан недостаток на магнезиум, витамин Д, витамини од Б групата и омега 3 масни киселини. Со цел да се надомести дефицитот и да му се помогне на организмот да се бори против мигрената, секако е препорачливо да се консумира храна богата со овие нутриенти. Масната и тешка храна, чоколадото и алкохолот се главните предизвикувачи на мигрена. Во периодот на напади на мигрена, секако се препорачува лесна храна богата со незаситени масни киселини, магнезиум и витамини од Б групата Б“, објаснува д-р Марина Крпан.
