Лимонот е богат со витамин Ц и калиум, а содржи и големи количини на магнезиум, калциум и фосфор. За најдрагоцени состојки во лимонот се сметаат биофлавоноидите – силни антиоксиданти кои го спречуваат размножувањето на штетни микроогранизми, делуваат противвоспалително, штитат од срцеви болести и рак, ги ублажуваат алергиите…
Лимонот изобилува и со пектином, растително влакно кое е многу важно при дигестијата и ги балансира мастите и шеќерот во крвта. Лимоновата киселина, исто така, го поттикнува варењето и ги неутрализира другите телесни киселини.
За зајакнување против вируси и бактерии, се препорачува третман со лимони во траење од шест недели. Освен свежо исцедениот сок, за третманот е потребен и лимонов оцет. Може да се набави готов, а можете и сами да го направите на база на јаболков оцет.
Оцет со лимон
Подгответе 4 лимони и 750 мл јаболков оцет. Излупете ги лимоните така што ќе ја отстраните белата кора. Исцедете го сокот и ставете го заедно со кората во стаклена тегла. Загрејте го јаболковиот оцет на 50 до 60 степени и прелијте го во теглата преку кората и сокот од лимонот. Затворете ја теглата и добро промешајте, па оставете да стои две недели на собна температура. На секои два дена протресувајте ја теглата.По 14 дена, оцетот со лимон процедете низ густа цедалка.
Третман
За терапија ќе ви требаат по 6 лимони секој ден, шише од 100 мл купено од аптека. Шишето треба да биде од кафеаво стакло, за лимоновиот сок да се заштити од штетните влијанија на светлината.
- Наутро помешајте сок од еден лимон со една лажица лимонов оцет во чаша млака вода и испијте го во мали голтки.
- Вториот лимон исечете го на половина и излупете една половина, така белата поткожа да остане на лушпата. Исечете го на тркалца и изедете го за појадок. Другата половина сочувајте ја со кора се до вечерата. За да се одржи свежината, внатрешноста намачкајте ја со лимоновв оцет.
- Преостанатие 3 лимони исцедете ги и сокот заедно со 2 лажици лимонов оцет ставете ги во шишенцето. Од таа мешавина земајте преку целиот ден 15 до 20 капки, но до вечерта да се потроши целата количина. Внимавајте на тоа да се придржувате на распоредот на земање.
- Од шестиот лимон навечер направете раствор од неговиот сок, оцет и вода, исто како и наутро. Изедете ја половината од лимонот од утрото.
