За нормален и продуктивен живот, поединецот мора да биде здрав – ментално и физички. Анксиозноста претставува голема препрека кон тоа, а обично настанува од страв или надеж дека сакаме нешто недостижно, следствено на актуелните животни проблеми, и не мачи и притиска одвнатре.
Кога чувството на паника и вознемиреност го обзема телото, пробајте да си помогнете со овие едноставни техники за спречување и стопирање на анксиозноста.
Правете склекови
Склековите се најдобриот начин да ги тргнете мислите од менталната анксиозност и да обебзедите доволна количина крв да проструи низ телото, како би ви било полесно. Склековите овозможуваат потрезвено да размислуваме, благодарение на забрзаната циркулација низ мозокот.
Длабоко дишете
Кога ќе почувствувате дека се соочувате со паника и мислите дека нема да успеете да се изборите со неа, длабоко вдишете неколку пати. Смислете некој рационален план и осмислете акција која ќе направи да не размислувате негативно и да дозволите паниката да ве совлада. Дишете длабоко додека не почувствувате дека сте помирни.
Возете велосипед
Можеби звучи глупаво, но навистина помага, Не само што возењето велосипед е еден вид на вежба, туку ве уфрла во темпо на ритмичко вежбање. Додека се возите низ парк, вие се врзувате со природата и тоа ви помага да најдете мир.
