Освен стресот кој се јавува како наближуваат празниците, тука е и сезоната на грип и настинки, а КОВИД и понатаму е причина за загриженост. Многу вкусна храна, масни сосови и слатки сигурно не ја олеснуваат работата.
Покрај борбата против вирусите и бактериите, како и слатките, тука е и високиот крвен притисок кој претставува ризик за здравјето и во зима, а сето тоа како резултат на споменатите навики, но и влијанието на студениот воздух врз крвните садови. За среќа, постојат работи со кои можете да влијаете на контролата на крвниот притисок и да останете здрави оваа зима. Совети дава Џоана Вен, советник за здравје која истакнува дека приоритет е здрава исхрана, одмор и квалитетен сон. Еве што уште советува.
- ВНИМАВАЈТЕ НА ЗДРАВАТА ИСХРАНА
Овој совет можеби е најважен: кога станува збор за целокупното здравје, вклучувајќи го и крвниот притисок, запомнете дека исхраната е секогаш исклучително важна.
Токму затоа Вен наведува дека најдобрата работа за контрола на крвниот притисок во зима е здрава и правилна исхрана. Ссоветува да јадете многу свеж зеленчук и овошје, да внимавате на внесот на сол, а секако треба да го намалите и внесот на преработена храна која е многу штетна за вашето здравје. Советува наместо сол, да користите зачини за да им додадете вкус на оброците и да придонесете за здравјето на организмот. Лукот и пиперката ќе помогнат во регулирањето на крвниот притисок.
- ОДМОРАЈТЕ
Зимата може да значи и стрес бидејќи подготовките за празниците се во тек. Сепак, никогаш не треба да го потценувате слободното време што можете да го искористите за одмор и релаксација. Токму одморот е важен и за менталното и за психичкото здравје. Ако сметате дека одморот е приоритет, веројатно ќе забележите дека тоа ќе влијае на нивото на крвниот притисок.
Вен советува да се обидете со смирувачки активности, како што се медитација и јога, кои ќе ги релаксираат мускулите и ќе го намалат нивото на стрес, два важни фактори за намалување на крвниот притисок.
- КВАЛИТЕТНИОТ СОН Е ПРИОРИТЕТ
Освен релаксација, важно е и да си дозволите добро да се одморите во текот на ноќта. Недостатокот на сон е поврзан со зголемен ризик за срцеви заболувања, дијабетес, обезност, бубрежни заболувања, развој на деменција, а она што е особено важно е дека недостатокот на сон резултира со послаб имунитет! Како да препознаете дека страдате од недостаток на сон? Во текот на две недели, дали водите евиденција за тоа колку часа спиете. Ако спиете во просек помалку од седум часа, тогаш сте лишени од сон. Решението ви е на дофат на рака – спијте, надоместете го изгубеното време за спиење и во рок од десет дена ќе ја забележите разликата.
Вен советува дополнителни промени: Пред спиење исклучете ги сите уреди, ова важи и за мобилните телефони и за лаптопите. Спијте во малку поладна просторија, а претходно можете да користите некои вежби за релаксација како што се истегнување и јога за да се опуштите, а така и да го контролирате стресот, што ќе доведе до подобрување на крвниот притисок.
