Шолја топол чај е благослов за болно грло ако го пиеме од свежи состојки кои не ја изгубиле својата здравствена вредност. Можеби веќе сте ја нашле својата омилена зимска комбинација на вкусеви која е добра и корисна за вашиот имунолошки систем, а можеби сте расположени да пробате нова комбинација. Во продолжение ви пренесуваме три единствени рецепти кои ќе ја излечат секоја настинка.
- Млеко и цимет
Во микробранова печка загрејте чаша млеко, половина лажичка цимет, половина лажица ѓумбир во прав и лажичка мед.
- Зимски чај
Исечете еден лимон и корен од ѓумбир па ставете ги во чаша. Врз лимонот и ѓумбирот, истурете мала шолја мед и оставете го да отстои преку ноќта. Оваа мешавина може да ја чувате во фрижидер до две недели.
Кога сакате да се напиете, во шолја ставете една лажичка од оваа смеса, па полијте со топла вода и вашиот чај е подготвен.
- Смирувачки еликсир
Загрејте шест шолји вода и додадете во нив два лимона исечени на тркалца, осум ќесички чај, три стапчиња цимет и еден корен ѓумбир, па оставете да отстои 30 минути. Во посебен бокал сипете помалку од половина шолја јаболков оцет и полијте го со ладен чај од кој претходно сте ги извадиле ќесичките (овошјето можете да го оставите). Чајот дополнително пред консумација може да го засладите со мед.
