Веројатноста дека лицата кои не се вакцинирани ќе завршат во болница поради компликации поврзани со КОВИД-19 е десет пати поголема во споредба со ревакцинираните поединци, а истовремено веројатноста дека вакцинираните ќе починат од КОВИД-19 е 11 пати поголема во однос на вакцинираните, објави американскиот Центар за контрола и превенција на болести – ЦДЦ, врз основа на три истражувања.
Со нив е утврдено и дека веројатноста дека невакцинираните ќе се заразат со коронавирус е пет пати поголема во однос на вакцинираните и дека 10 пати е помола можноста да вакцинираните се разболат толку тешко да им биде потребна хоспитализација, исто така во однос на невакцинираните лица.
ЦДЦ проучувал случаеви на ковид, хоспитализација и смрт во 13 сојузни држави.
“Со истражувањата нудиме дополнителни докази за силата на вакцината“, изјави д-р Рошел Валенски, директорка на ЦДЦ.
“И како што потврдуваме со една по друга студија – вакцинирањето делува“, додава таа.
Но, истражувањата, чии резултати се базирани на податоци собрани меѓу 600.000 Американци од 4 април до 17 јули, покажале дека ефективноста на вакцината опаѓа откако делта варијантата стана доминантна.
Едно објаснување би можело да биде постепеното слабеење на имунитетот, а друго дека делта на “умен“ начин успева да ги избегне замките на имуниот систем. Но, исто така, може да станува збор за комбинација од двете претпоставки.
