Не е редок случај да изедеме таканаречен „здрав оброк“ и после еден или два часа веќе да сме гладни. Причината е што на тој оброк му недостасува некој клучен елемент кој дава ситост, енергија и чувство дека сме задоволиле апетитот. Еве како тоа да се постигне:
Додадете во оброкот зеленчук богат со растителни влакна. Препорачливо е зеленчук да се додаде на секој оброк, дури и за појадок. Иако е многу хранлив, содржи малку калории и е полн со антиоксиданти, а особено растителни влакна. Тие го успоруваат варењето, што значи дека ќе има постојано снабдување со енергија на организмот во подолг временски период. Во зеленчук кој е најбогат со влакна спаѓаат: карфиолот, зелената салата, брокулата, кељот и прокељот.
Додете квалитетни протеини во оброкот. Протеините го поттикнуваат метаболзимот, а истражувањата покажуваат дека повеќе заситуваат отколку јаглехидратите и мастите. Затоа, задолжително во оброкот вклучете некоја квалитетна протеинска намирница, како јајце или јогурт.
Не заборавајте ги растителните масти. Нема сомнение дека мастите заситуваат. Ако сте јаделе салата без прелив, сигурно знаете колкава е разликата на чувството на ситост во однос ако ја прелиете само со маслиново масло. Стравот од масти е создаден на основа на истражувања во 50-тите години на минатиот век за кои во научниот свет денес се смета дека не се валидни. Одлични извори на масти се: авокадото, семките, јаткастите плодови, маслиновото и кокосовото масло.
