Синуситисот претставува воспаление на слузницата која ги обложува синусите. Ова се три можни причинители за синуситис кои можеби не сте ги знаеле:
Пливање
Хлорот во базенот може да предизвика иритација или отоци кога ќе дојде во ушите или во носот, што може да резултира со синусна инфекција. Кога синусите ќе отечат, слузта се блокира и дозволува раст на бактериите. Пливањето или нуркањето под вода исто така може да предизвика синуситис поради промена на притисокот. Таа промена влијае на синусниот канал, што може да предизвика блокирање на синусните премини, што предизвикува задржување на слузта и ширење на бактериите.
Пушење
Доколку пушите и патите од синуситис, постои поврзаност – тутунот ги надразнува синусните премини и го намалува имунитетот. Пушењето го иритира и синусниот премин, предизвикувајќи отоци и воспаление. Пушачите имаат поизразени симптоми и користат повеќе лекови за третман на синусните инфекции и воспаленија, во споредба со непушачите.
Бактерии
Синуситисот може да биде предизвикан од бактериска инфекција. Mycobacterium abscessus е бактерија која е поврзана со оние кои предизвикуваат туберкулоза.
Кога на лекар поради синуситис?
- Имате симптоми кои траат подолго од 10 до 14 дена, или се влошуваат со тек на време
- Имате сериозна главоболка
- Сте забележале зголемено отекување на лицето или промени со видот
- Назалниот исцедок ја менува бојата (од бистра до жолта или зелена по пет до седум дена) или ако се влошат и останатите симптоми, како што се болки во синусите или треска
- Болка во лицето, особено во еден дел на синусите или помеѓу носот и долниот очен капак која трае два до четири дена
- Доколку симптомите на синуситис продолжуваат и по лекарската терапија
