Кога станува збор за здравјето, позната е женската особина сопствените здравствени тегоби да не ги доживува пресериозно, туку стоички да поднесува болка и замор, мислејќи дека ќе помине. Од друга страна, жените се поангажирани во изнаоѓање на здравствени решенија, а тоа може да ги однесе во друга крајност, да се се обидуваат да решат сами без лекарска помош.
Немојте да влезете во овие три замки:
Не водите доволно сметка за своето срце
Иако зачестеноста на срцевите болести е иста и кај жените и кај мажите, истражувањата покажуваат дека жените по срцев удар имаат двојно поголем ризик од смрт во споредба со мажите. Научниците исто така утврдиле дека жените, особено младата и средна возраст, не бараат лекарска помош ако почувствуваат симптоми кои може да значат срцев удар (болка и непријатност во градите, недостаток на воздух, неочекуван напад на замор или мачнини), бидејќи не веруваат дека нив не може да им се случи срцев удар. Затоа редовно контролираје го здравјето на срцето и не се двоумете да побарате лекарска помош ако се посомневате на срцеви тегоби.
Ја проценувате својата тежина според облеката
Ви оди на нерви тоа што вагата, кога ќе застанете на неа, секогаш покажува поинакви бројки: еден ден имате килограм помалку, па за неколку дена две повеќе. И затоа ви е полесно да ја проценувате својата тежина по тоа како облеката ви (не)прилега. Облеката може да послужи за ориентациона проценка и тоа само онаа која е прилепена за телото. Најдобро еднаш до два пати неделно да проверите што покажува вагата.
Си поставувате дијагноза бел лекар
Пребарувањето на интернет во потрага за податоци за некоја здравствена состојба може да биде добар патоказ и ќе ви помогне полесно да препознаете некои работи па и да размените искуства со луѓе кои имаат слични проблеми, но не може да замени лекар. Не можете сами себе да си поставите стручна дијагноза само на основ на она што сте го прочитале, туку треба да отидете на лекарски преглед и да се посоветувате. Така најдобро ќе ги избегнете непотребните грешки, загриженост и страв.
