Чаевите за детоксикација поттикнуваат исфрлање на токсините од телото, а често го забрзуваат и метаболизмот и топењето на масните наслаги. Обично содржат диуретици кои поттикнуваат исфрлање на вишокот течности од телото, а може да имаат и лаксативен ефект, па сосема сигурно ќе помогнат да се чувствувате полетно и полесно. Многу се ефикасни и не се без причина популарни во сите детокс програми, но имајте на ум дека само консумирањето чај нема да ги даде саканите резултати, барем не во мера во која очекувате. Со консумирањето чаеви за детоксикација сепак ќе мора да повнимавате и на исхраната и да избегнувате намирници кои му штетат на организмот и редовно да пркатикувате некаква физичка активност која ќе ве испоти и така ќе придонесе да чистење на организмот. Ако се одлучите да посегнете по чај за да го подобрите процесот на детоксикација на организмот, ова се неколку детокс чаеви кои ги предлагаат нутриционистите.
- Чај од глуварче
Мокрењето е еден од начини за излачување на токсините од телото, а коренот од глуварче има диуретско дејство. Чајот од корен од глуварче е одлична помош за чистење на бубрезите и црниот дроб. Исушете го и исечкајте го коренот (и веќе сушен и сечкан можете да го купите во билни аптеки), ставете 3-5 гр во млака вода и варете 10 минути, па процедете. Можете да го пиете три пати на ден, а најдобро е да го пиете половина час пред јадење.
- Чај од ѓумбир и куркума
Својата репутација како еликсир на здравјето, куркумата му ја должи на куркуминот, активна супстанција која ја подобрува работата на ензимите кои поттикнуваат излачување на токсините и содржи антиоксиданти кои ги регенерираат клетките на црниот дроб. Ѓумбирот е моќен антиоксидант кој ја подобрува функцијата на црниот дроб и е одличен за детоксикација на организмот. Пиењето чај направен од овие две состојки навечер пред спиење ќе помогне во чистење на телото од токсините. Во литар зовриена вода додадете ѓумбир исечкан на парчиња (парче од околу 5 см) и варете 5 минути, а потоа додадете 1/2 лажичка куркума во прав и варете уште 2-3 минути. Оставете 10 минути, процедете, зачинете со сок од еден лимон и мед по желба и пијте го во текот на денот.
- Чај од магдонос
Магдоносот поттикнува излачување на водата од телото, а во исто време ги храни бубрезите и другите органи задолжени за чистење на организмот. Две лажички или една лажица свеж магдонос прелијте ги со 250 мл врела вода, покријте и оставете да отстои 15 минути, а потоа процедете и испијте го уште топлиот чај. За подобар вкус можете да додадете малку лимон или мед. Пијте 2 до 4 шолји дневно, а по три недели направете пауза од еден месец за организмот да се опорави од диуретичниот ефект.
