Во истражување кое е објавено во едно европско списание учествувале 680 лица од кои некои биле непушачи, некои бивши пушачи и активни пушачи. Тие одговарале на прашања поврзани за нивната моментална исхрана и биле изложени на мерење на спирометрија, тест кој ја мери функцијата на белите дробови врз основа на вдишување и издишување. Тестот го повториле по 10 години.
Истражувачите дошле до заклучок дека бившите пушачи кои јаделе повеќе јаболки, банани и домати, имале помало оштетувањето на белите дробови во тој период.
Тоа е многу важно бидејќи стареењето и пуштењето претставуваат најголема причина за намалена функција на белите дробови. Оваа храна е добра и содржи многу антиоксиданти кои помагаат во намалувањето на воспаленијата на дишните органи и потенцијално го подобрува здравјето на белите дробови. Втората група на антиоксиданти кои се нарекуваат флавоноиди можеби се одговорни за ова. Овие состојки се наоѓаат во голем процент на овошје и зеленчук и го олеснуваат дишењето. Тоа објаснува зошто јаболките и бананите се поврзани со помала намаленост на функција на белите дробови.
Овие намирници помагаат при обновувањето на оштетеното ткиво на белите дробови кое настанало како последица од долгогодишното пушење. Претходни истражувања покажале дека луѓето кои јадат храна богата со каротеноиди (пигмент кој го има во портокаловите, црвените и жолти плодови), имаат помали шанси да заболат од рак на белите дробови.
