Од раното детство, почнуваме да тренираме внимание и меморија со учење песни, странски јазици и решавање загатки. Меѓутоа, со годините, оваа важна способност на мозокот почнува да “рѓосува“, што може да биде предизвикано не само од возраста, туку и од голем број други неповолни фактори.
Кои навики му штетат на помнењето и како да ги надминете?
Нарушеното помнење е една од главните последици на дигиталната деменција – нова болест на нашето време. Под овој поим лекарите подразбираат влошување на менталните способности на лицето поради секојдневно користење на уреди, што е проследено и со потешкотии во перцепирањето на информациите и недостаток на критичко размислување.
Освен влијанието на уредите, на работата на мозокот и помнењето влијаат и бројни други навики со кои денес луѓето секојдневно се среќавааѕт, вели германскиот невролог, психијатар на Медицинскиот факултет во Улм, професор Манфред Спицер.
- Недостаток на сон
Лекарите постојано повторуваат дека одморот е клучот за менталното и физичкото здравје. За време на спиењето се обновува работата на мозокот, се развива неговата способност за учење, се неутрализираат негативните спомени и се стабилизира емоционалната состојба. Покрај тоа, експертите сметаат дека спиењето е многу важно за зачувување на меморијата, бидејќи во негово отсуство, доаѓа до преоптоварување на мемориските кругови и се влошува способноста на мозокот да ги согледа и асимилира информациите.
- Премногу информации
Секој од нас е во бесконечен проток на информации. Секојдневно добиваме многу пораки од различни извори и престануваме да ги разликуваме важните информации од непотребните. Прекумерната содржина е сериозен стрес за мозокот, што доведува до појава на фрагментирани размислувања, лишени од критичност. Покрај тоа, преоптоварувањето со информации може да предизвика проблеми со меморијата, концентрацијата и донесувањето одлуки.
- Неправилна исхрана
Докажано е дека честото консумирање брза храна и храна богата со заситени масти, шеќери и соли предизвикува одредени когнитивни нарушувања кај човекот, како и влошување на краткотрајната меморија. Тоа е затоа што навиките во исхраната влијаат на функционирањето на хипокампусот, област на мозокот одговорна за помнењето. Лекарите препорачуваат одговорен пристап кон оваа тема бидејќи во спротивно ризиците од развој на деменција, дијабетес и дебелина значително се зголемуваат.
