Овошјето може да послужи како здрава ужина или десерт, особено кога се обидувате да загубите некој килограм вишок. Не само што изобилува со витамини и минерали, овошјето, исто така, содржи влакна кои не прават подолго сити и го поттикнуваат здравото варење.
Киви – претставува одличен извор на витамини Ц и Е, како и влакна. Истражувањата покажале дека кивито помага во контролата на шеќерот во крвта, го подобрува нивото на холестерол и поволно влијае на здравјето на дигестивниот тракт. Во една студија, во која учествувало 41 лице учесниците секојдневно јаделе по 2 златни кивија во траење од 12 недели. Овој додаток во редовната исхрана кај испитаниците довело до зголемување на нивоата на витамин Ц во крвта, намалување на крвниот притисок, како и до намалување на обемот на половината за просечни 3,1 см.
Јаболка – сиромашни се со калории, а богати со влакна, па спаѓаат во храна која го поттикнува слабеењето. Во едно десетнеделно истражување учесниците во дневната исхрана додале или 3 јаболка, или 3 круши, или 3 овесни колачиња. Испитаниците кои јаделе јаболка ослабеле во просек по 0, 91 кг, оние кои јаделе круши 0,84 кг, додека тежината на оние кои јаделе овесни колачиња не се променила.
Грејпфрут – често се препорачува во склоп на различни диети. Во едно истражување испитаниците во траење од 12 недели пред трите главни оброци јаделе по 127 г грејпфрут или пиеле сок од грејпфрут (во исто количество) што кај учесниците во студијата довело до намалување на дневниот калориски внес и телесната тежина, како и до подобрување на нивото на холестерол во крвта. Сепак, грејпфрутот влијае на одредени лекови, па ако пиете какви било медикаменти неопходно е пред вклучувањето на ова овошје во исхраната да се консултирате со вашиот лекар или фармацевт.
