Витамините А Е и Ц ги намалуваат оштетувaњата предизвикани од слободните радикали, сончевите здраци, загадениот воздух и чадот, и ја опоравуваат оштетената кожа. Шелдон Пинела, еден од водечките американски дерматолози и научници од Унивезитетот Дуке потврдил дека со примена на овие витамини на кожата и овозможуваат заштита од штетните надворешни влијанија.
Витамин Е
Овој витамин е важен антиоксидант и ја штити кожата од оксидативните оштетувања на кожата, кое го намалува колагенот и е причина за сува кожа и брчки.
Храната богата со витамин Е: житарки, црн дроб, јајца, јаткасти плодови, авокадо, папаја и манго, зелен лиснат зеленчук, благиот компир, капини, пиперки, киви, кокос, домати, морков, семки, маслинки, брокула, пченка, како и во билните масла.
Витамин Ц
Уште еден одличен антиоксидант кој не само што ја штити кожата од надворешни оштетувања, туку го обновува и колагенот кој на кожата и дава еластичност и ги јакне капиларите. Овој витамин е неопходен за јак имунитет, но и за заштита на кожата од штетното сончево зрачење.
Храна богата со витамин Ц: киви, папаја, јагоди, портокали, лимон, диња, малини, лимета, манго, боровница, брусница, капини, ананас, грозје, кајсии, сливи, лубеници, банана, морков, цреши, праски, јаболка, круши, краставици, целер, брокула, лук, домати, тиквии, зелен зеленчук.
Бета каротен
Убавите бои на овошјето и зеленчукот кои не мамат да ги изедеме, се резултат на каротеноидите, природни пригменти кои ги има многу во природата и се составен дел на билките. Еден од каротеноидите е и бета-каротенот кој се претвора во витамин А и е еден од клучните фактори за одржување на здравјето на кожата. Не само што делува како антиоксидант, туку и го спречува стареењето на кожата, штити од УВ зрачење и штетност што ја предизвикува пушењето. Преголемиот внес на бета-каротен може да ја обои кожата во жолта боја, додека оптималниот внес ја прави сјајна.
Храна богата со бета-каротен: зелениот зеленчук, брокула, морков, домати, тиква, слаткиот компир, лубеница, диња, кајсија, манго, папаја, портокал круша.
