“Додека ризик факторите за појава на рак, како што се примарната семејна анамнеза и страеењето, не можат да се контролираат, промените во начинот на живот, како што се прехранбените навики, физичката активност и откажувањето од пушење, можат да го намалат ризикот“, истакнува д-р Елиас Обеид.
Мамографијата е исто така важна, бидејќи може да ја детектира болеста во рана фаза додека болеста се уште може да се третира.
“Редовните препорачани прегледи се еднакво важни како и модифицирањето на вашиот животен сил, со цел да се намали ризикот од појава на рак. Редовните прегледи можат во голема мера да ги зголемат шансите за рано откривање на ракот, кога постои голема веројатност дека состојбата може соодветно да се третира и пред да се добијат симптомите“, додава д-р Обеид.
Што се однесува до начинот на живот, истражувачите процениле дека над 20% од сите видови на рак во САД се поврзани со вишокот на масти во телото, физичката некативност, преголемата концентрација на алкохол во крвта и лошата исхрана.
“Доколку внимавате што јадете, тоа може да ви помогне да ја контролирате својата телесна тежина и да го задржите индексот на телесната маса на оптимално ниво. Ако имате прекумерна тежина, губењето дури и на мала количина на масти има корист и служи како одлична појдовна точка“, истакнува д-р Обеид.
Редовното вежбање исто така го намалува ризикот од рак, а во студијата се наведува дека возрасните лица треба да имаат најмалку 150 минути физичка активност со умерен интензитет или 75 минути интекнзивна активност секоја недела.
“Пушењето е главната причина за појава на рак, но без оглед на тоа колку долго пушите цигари и без разлика на годините, откажувањето од цигари може да го намали ризикот од рак и други хронични болести“, појаснува д-р Обеид.
