Група американски научници во едно неодамнешно истражување заклучиле дека навиката за запишување на работите кои треба да ги обавиме во текот на следниот ден би можеле да ни помогнат пред спиење да се смириме и побрзо да заспиеме.
Во експериментот учествувале 57 студенти на возраст од 18 до 30 години кои биле поделени во две групи. Студентите од првата група имале задача пред да си легнат да ги запишат сите обврски предвидени за следниот ден, додека студентите од втората група на крајот од денот правеле листа на обврски кои ги обавиле истиот ден.
Оваа поделба е направена заради две различни перспективи – од една страна, постои идеја дека запишувањето на незавршените работи би можело да ја зголеми грижата и да ни оневозможи да заспиеме побрзо (што не би требало да биде случај со пишувањето на исполнетите задачи), додека, од друга страна, присутна е и хипотезата дека правењето список со задачи всушност токму ќе ги ублажи споменатите проблеми.
Сите учесници во експериментот биле во контролирани услови – на спиење оделе во 22:30, а пред тоа не користеле никаква технологија, ниту пишувале домашни задачи. Резултатите од истражувањето потврдиле дека запишувањето на обврските за утре им помага на учесниците побрзо да заспијат, додека тоа не било случај со студентите од другата група. Авторите на студијата напоменуваат дека во истражувањето учествувале млади и здрави возрасни личности, па дека е можно кај личностите кои патат од несоница крајниот резултат да не е ист, иако одделни истражувања укажале на тоа дека пишувањето дневник пред спиење би можело да им помогне и на овие поединци.
