Тромб или крвно згрутчување е збор на крвни клетки во поинаква состојба од вообичаената – крвта е нормално течна, додека тромбот наликува на гел. Тромбоцитите или крвните плочки имаат важна уулога во крвниот систем бидејќи ја згрутчуваат крвта, па спречуваат крварење.
Но, многу често може да се случи поради низа причини да се појави тромб кој претставува голем ризик за здравјето, а исходот може да биде и смрт. Тромбовите може да се појават во секој крвен сад, но најчесто се создаваат во рацете, нозете, белите дробови и срцето.
Зошто се создава тромб во ногата?
Згрутчување на крвта во ногата обично е предизвикано од некоја траума или оштетување на крвниот сад низ кој крвта не може непречено да помине. Може да бидат засегнати површнските вени (површен тромбофлебитис) или длабоките вени, што потоа се нарекува длабока венска тромбоза (ДВТ).
Тромбоза може да се појави поради нарушувања на коагулацијата, а факторите кои влијаат на развојот на тромбозата се:
- Оштетување на ендотелот – механичко оштетување или последица на присуство на никотин во крвта, лекови и бактериски токсини
- Застој на крвта по оперативен зафат
- Долготрајно седење
- Прекумерна телесна тежина
- Бременост
- Орални контрацептиви
- Зголемено ниво на холестерол
- Малигна болест
- Недоволно движење кај повозрасни лица
СИМПТОМИ НА ТРОМБ ВО НОГАТА
Симптомите на венска тромбоза може да бидат многу непријатни. Кај помалите згрутчувања нема никакви симптоми, додека кај длабоката венска тромбоза може да се јави следново:
- Оток на ногата, зглобот или стапалото
- Грчевита болка која обично почнува во листот на ногата
- Болка во стапалото и зглобот
- Наплив на топлина во еден дел на ногата
- Црвенило на кожата
- Невообичаено бледило или сина кожа на зафатениот дел на ногата
- Проширени вени
- Болка при одење
Помалите крвни згутчувања се еднакво опасни како и големите бидејќи може да се одвојат, да отифат во белите дробови и да предизвикаат белодробна емболија која може да биде смртоносна, ако брзо не се санира.
ЛЕКУВАЊЕ НА ТРОМБ ВО НОГА
Длабоката венска тромбоза е сериозна медицинска состојба која треба веднаш да се лекува. Ако сте ги забележале наведените симптоми, веднаш кажете му на вашиот лекар, кој ќе ве прегледа со ултразвук, ди-димер тест, доплер скенер, Хоманов знак , а ќе ви ги прегледа и белите дробови за да елиминира белодробна емболија.
За тромбот да се “разгради“, лекарот ќе ви даде лекови против згутчување на крвта, тромболитици (за разбивање на тромбот), а може да примени и филтер за долна шуплива вена ако не ви е дозволено да земате антикоагуланси. Во екстремни случаи, ќе биде потребна хируршка интервенција.
КАКО ДА СЕ СПРЕЧИ ПОЈАВА НА ТРОМБОВИ?
Препишаните лекови може да ги комбинирате со некои здравствени чекори за да спречите други компликации и да го намалите ризикот од идни крвни згутчувања.
- Движете се повеќе
- Држете ги нозете подигнати
- Носете компресивни чорапи
Исто така, избегнувате долго седење или лежење. Ако имате седечка работа, секој час станете и кратко прошетајте. При седење никако не ги прекрстувајте нозете, одржувајте нормална телесна тежина за прекумерните килограни не ги оптоварат нозете и зглобовите и престанете да пушите.
