Јужно или тропско овошје ги нарекуваме сите плодови од југот: Медитеранот, Средоземјето, приморјето и останатите топли континенти. Ананас, банана, киви, како и цитрусите како портокал, мандарина, лимон се вбројуваат во оваа група на овошје. Иако најдобро е да се јадат сурови, во кујната се употребуваат во различни комбинации. Нутриционистите постојано предупредуваат на поголемата вредност на овошјето изедено пред оброкот, но десертите и предјадењата од сурово овошје стануваат се попопуларни. Ова се информации за јужното овошје кое придонесува за здравјето.
Ананас
Ова нискокалорично овошје (100 г има 60 калории), полно е со витамини (А и Ц), како и влакна. Содржи ензим сличен на оној во нашиот желудник и така директно влијае на варењето на храната. Истовремено го подобрува расположението и смирува воспаленија. Иако во тропските краишта се користи како зеленчук со масни и силни јадења, нам ни е познат како слатко уживање. Ананасот го има свеж или конзервиран.
Грејпфрут
Со силен и киселкаст вкус, по правило се јаде суров. Со термичка обработка губи околу 90 % од корисниот состав. Има ниска калориска вредност. Богат е со витамините Б1, Б2, Б9 и Ц, па е идеален за користење во форма на сок во комбинација со друго овошје. Ако се консумира рано наутро на празен желудник поволно делува на метаболизмот и на работата на желудникот. Ја зголемува потрошувачката на шеќер во крвта.
Банана
Ова за нас најпознато и најпристапно јужно овошје го поттикнува лачењето на хормонот на среќа. Богата е со протеини (20 %) и влакна, а содржи и минерали и витамини (Б1, Б2, Б3, Б6, Б12, Ц и Е). 100 г од делот што се јаде содржи само 90 калории. Јадете зрели банани бидејќи полесно се варат. Една банана дневно ја подобрува општата состојба на организмот.
Лимон
Се вбројува во групата на најважни цитруси. Сочен и кисел, преполн со витамин Ц кој делува како антиоксидант. Содржи мали количини на шеќер и минерали. Свеж се користи за освежителни пијалаци, како зачин (најчесто при подготовка на рибни специјалитети, колачи, торти, слатко или мармалади) и во превентива. Лековити својства: го јакне имунитетот, го чисти организмот и ја намалува главоболката. Го освежува и здивот.
Киви
Ова вкусно овошје е исклучитено лековито. Важи за природен антиоксидант, диуретик и седатив. 100 г плод има 47 калории. Богат е со минерали (калиум, фосфор, железо, калциум и магнезиум), витамини (А, Ц, Б1, Б2, Б3). Не содржи масти. Кивито е одлично за забрзување на метаболизмот и варењето на храната, го регулира крвниот притисок и го штити видот. Го намалува холестеролот, го зголемува имунитетот и општо го јакне органзимот.
