Еден од начините за заштита на новорденчињата од КОВИД-19 е жените да се вакцинираат против коронавирусот за време на бременоста. Нова студија обајвена во American Journal of Obstetrics & Gynecology – Maternal Fetal Medicine покажала дека идните мајки кои се вакцинирани, пренесуваат високо ниво на антитела на своите деца.
Имено, се покажало дека 100 проценти од 36 новороденчиња тестирани за време на раѓањето имале заштитни антитела откако нивните мајки примиле вакцини против КОВИД-19 во втората половина од бременоста.
Резултатите од оваа студија ја поткрепуваат важноста на вакцинирањето за време на бременоста кое ја штити и мајката и детето. Во првите месеци од животот на новороденчето, тоа е најранливо, подвлекуваат авторите на студијата.
