ГУШЕЊЕ
Ако се најдете во ситуација да се гушите, а никој не може да ви помогне, помогнете си вие сами. Она што можете да го направите е да изведете Heimlichov зафат. Брзо пронајдете столица, работна плоча во кујна или некој друг сличен мебел и насочете го горниот, мек дел на стомакот (веднаш под ребрата) на врвот на столицата или на работ на работната плоча. Потиснете нагоре и навнатре и така шест пати по ред. Ако и по шестиот пат не можете да дишите, повторно повикајте 194.
СРЦЕВ УДАР
Чувствувате ли болка и притисок во градниот кош која се шири и на левата рака (но, не мора), не можете да дојдете до воздух или ве обземало силно чувство на пропаѓање, можно е да станува збор за срцев удар. Жените почесто имаат нетипични симптоми како силен замор, мачнини, жиговина и нагласено потење. Повикајте 194 и напијте се 325мг ацетилсалицилна киселина.
“Додека чекате помош легнете, оти така срцето ќе биде под најмало оптоварување. Ако мислите дека ќе паднете во несвест, обидете да се присилите на длабоко кашлање. Тоа го менува притисокот во градниот кош и може да има сличен ефект како масажа на срцето. Понекогаш се случува срцето да се врати во нормален ритам“, советуваат стручњаците.
ТРУЕЊЕ
Најчеста причина на труење поради кое луѓето викаат итна помош е намерно или случајно прекумерно земање на лекови, како и опасна изложеност на средства за чистење.
Не повраќајте на сила, ниту на своја рака не земајте лекови кои предизвикуваат повраќање, оти под нивно дејство може да повраќате со часови. Освен тоа, ако сте испиле нешто што содржи киселина или друга работа која на пат до желудникот го оштетила грлото и хранопроводот, истото ќе се случи и кога со повраќањето повторно ќе помине по тој пат.
Во случај на вдишување на отровни супстанци, што побрзо оддалечете се од контаминираниот простор и повикајте Итна помош.
ОБИЛНО КРВАРЕЊЕ
Крв тече од раната и вас се повеќе ве обзема страв. Со здравата рака, со пешкир, газа или било која друга ткаенина што ви е при рака, силно притиснете ја раната и одржувајте го притисокот додека крварењето не престане. Во никој случај, не користете прибор за подврзување.
Единствен случај во кој е оправдано да се подврзе раната е кога со сигурност можете да утврдите дека на делот од екстремиетот под раната му нема спас (на пример, ако лицето во несреќа изгубило прст, рака или нога…)
АЛЕРГИСКА РЕАКЦИЈА
Убод од пчела, алергени во некои намирници или лекови може да бидат смртоносни, дури и за лицата кои мислат дека не се алергични. Симптомите вклучуваат чешање на едно место или по целото тело, понекогаш проследено со осип, оток, а во потешки случаи – отекување на дишните патишта, што може да го загрози дишењето. Ако знаете дека сте алергични, во договор со својот лекар направете план што да направите во нужен случај.
И ако немате сериозна алергија, бидете подготвени за можна изненадна алергиска реакција на начин да со себе секогаш имате антихистаминик, кој ќе делува додека да стигне итната помош.
