ЦЕНИТЕ НА ДЕЛ ОД ПРЕГЛЕДИТЕ ВО „ЖАН МИТРЕВ“ НАМАЛЕНИ НА ПОЛОВИНА: Никој не е имун на заболување од канцер, редовните прегледи спасуваат животи

Клиничката болница „Жан Митрев“ се приклучува кон иницијативата за информирање и навремена дијагностика по намалени цени. Во периодот од 7 февруари заклучно со 31 март прегледите: ехо на дојка, 2Д и 3Д мамографија, компјутерска томографија на бели дробови и видеодермоскопско мапирање на кожата се на половина цена

Навремената детекција значи живот

Ракот се вбројува меѓу десетте најголеми закани за глобалното здравје на човештвото. Само во 2021 година околу 10 милиони луѓе ширум светот починале од рак. Но не е само предвремената смрт она што загрижува. Тука се изгубената продуктивност, здравствените трошоци, изгубените примања, намалениот квалитет на живот, попреченоста.

Ракот не познава граници. Секој може да биде засегнат!

Да не ја потценуваме моќта на колективната свест, да дадеме сите придонес кон подигање на свеста дека голем процент (30 до 50%) на сите видови рак можат да се спречат доколку се преземат мерки навреме. Денес, има 43.8 милиони луѓе кои се живи и пет години по нивната дијагноза.

Да не ја потценуваме моќта на колективната свест, да дадеме сите придонес кон подигање на свеста дека голем процент (30 до 50%) на сите видови рак можат да се спречат доколку се преземат мерки навреме

За да го намалите ризикот од канцер, потрудете се да ги применувате следните совети:

♦ Правете редовни прегледи, тие се клучен фактор за спасување животи, бидејќи ја спречуваат можноста за заболување од рак или пак го намалуваат ризикот од предвремена смрт;

♦ Ограничете го користењето на алкохолни пијалаци и тутун бидејќи тие ги зголемуваат шансите за заболување од рак;

♦ Адаптирајте се на поздрав начин на живот;

♦ Бидете физички активни. Намалете го времето кое го поминувате седејќи;

♦ Избегнувајте изложување на сонце. Користете заштита за сонце;

♦ Преземете мерки за одржување здрава телесна тежина.

Дермоскопското испитување на целото тело со помош на Фотофајндер (FotoFinder) ги спојува целосното мапирање на телото (Total Body Mapping) и дермоскопијата

Светскиот ден на карциномот (4-ти февруари) секоја година го привлекува вниманието во светот кон ракот и неговата превенција, дијагностицирање и лекување, признавајќи ја посветеноста на организациите, заедниците и индивидуите за намалување на глобалното влијание на болеста

Компјутерска томографија на бели дробови

Преку инвестирање, поголем пристап до информации, навремена дијагностика и лекување се зголемуваат шансите за преживување канцер. Клиничката болница „Жан Митрев“ се приклучува кон иницијативата за информирање и навремена дијагностика по намалени цени. Во периодот од 7 февруари заклучно со 31 март прегледите:

ЕХО НА ДОЈКА, 2Д И 3Д МАМОГРАФИЈА, КОМПЈУТЕРСКА ТОМОГРАФИЈА НА БЕЛИ ДРОБОВИ И ВИДЕОДЕРМОСКОПСКО МАПИРАЊЕ НА КОЖАТА СЕ НА ПОЛОВИНА ЦЕНА.

Не чекајте, веднаш закажете го вашиот преглед на 02/3091-484 или онлајн на следниот ЛИНК.

Редовните прегледи се клучен фактор за спасување животи.

ПОВРЗАНИ НАПИСИПОВЕЌЕ ОД АВТОРОТ