Оваа билка сигурно сте ја виделе по полињата – расте како плевел, а впечатлива е по светло сината боја. Многумина денес не се сеќаваат, но токму од цикоријата, не така одамна се правело одлично бело кафе.
Цикоријата е многу здрава билка која веќе со векови се користи како природен лек. Ги ублажува проблемите со варењето, вклучувајќи ја и киселината, бидејќи содржи инулин кој е силен пробиотик.
Го намалува нивото на лошиот холестерол во крвта, па со самото тоа го намалува и ризикот од срцеви болести.
Има антивоспалителни својства кои делуваат на намалување на болките кај артритисот, а помага и при слабеење. Ова е билка и добар седатив, па се препорачува на оние кои имаат проблеми со спиењето.
Цикоријата е одличен извор на минерали и витамини, а содржи цинк, магнезиум, манган, калциум, железо, фолна киселина, калиум и витамини А, Б6, Ц, Е и К.
Како замена за кафе се користи корен од цикорија, додека листовите се специјалитет во кујните ширум светот, иако вкусот им е поприлично горчив.
