Циметот е одличен извор на бакар, цинк, манган и железо и е богат со витамини Ц и К. Ако редовно го користите во вашата исхрана во текот на зимата, ќе ја зголемите отпорноста на вашиот организам.
Во случај на настинка (но и доколку сакате да го изгубите вишокот на килограми), направете го следниот пијалак. Загрејте половина литар вода и додадете стапче цимет и неколку каранфилчиња, па варете уште неколку минути. Додадете лимон и мед, па пијте по пола шолја на секои четири часа во текот на денот.
Оваа комбинација успешно го регулира шеќерот во крвта, го забрзува метаболизмот и влијае на намалувањето на вишокот килограми. Таа е одлична комбинација и за време на вежбањето, бидејќи обезбедува рамномерен доток на енергија за подолго време, дава сила и ја намалува мускулната болка и напнатост.
